BALIMAU ….. !

Bermacam-macam cara orang menyambut Bulan Ramadhan. Di Jawa ada budaya Nyekar, Padusan, dan Dugderan.  Lain ladang lain belalang, lain lubuk lain ikannya, sama-sama masih urusan mandi, di Minangkabau (Sumatera Barat) ada semacam padusan yang disebut Balimau.

Saya belum pernah mengikuti secara langsung, namun saya mendapatkan catatan Facebook Asnur Azhar dari Bukittinggi sebagaimana berikut ini:

Katiko ka mamasuaki bulan puaso (Ramadhan) bagi awak di Sumatera Barat (Minangkabau) sangat populer istilah ‘Balimau”. Kalau dipahami bahasonyo, balimau artinyo mamakai limau atau mampagunoan limau. Nan lah dipaturun panaiakan istilah balimau ko dipakaikan untuak duo macam karajo yaitu:

  • Bagi urang padusi, balimau tu bararti mandi (kramas) nan diwajibkan agamo, misalnyo salasai haidh, nifas, wiladah dan mandi wajib lainnyo, caronyo: manyampaian aia sajak dari ujuang rambuik sampai ka tapak kaki, ndak buliah saketekpun bahagian lua tubuah nan luput, mambarasiah daki dan kotoran dari badan.
  • “Balimau” pada saat mamasuaki bulan suci Ramadhan, yaitu mambarasiahkan diri lahir batin sebagai persiapan malaksanakan ibadah puaso.

Kini nan ka kito pakecekan nan kaduo sajo, yaitu Balimau pado saat ka masuak puaso, baa mangko istilahko nan dipakai dek inyiak-inyiak kito saisuak, baa mangko ndak ” mandi” sajo atau mambasuahi badan. Sungguah sangat ariflah inyiak-inyiak kito saisuak tu manggunokan istilah nan kayo jo makna baiak nan tasurek, nan tasirek bahkan nan tasuruak apo lai kok di caliak jo mato batin, “sepatah kata, seribu petuah”.

ilustrasi: balimau (antarafoto.com)

Manuruik nan nampak dek awak saari-ari bahaso limau mampunyoi sifat nan istimewa atau mampunyoi ka khasan jo kanduang nan babeda jo tanaman (buah) nan lain, antaro lain untuak:

  1. Palamakan (Penyedap) Makanan:
    Kalau limau wak buek panyadap makanan, mambuek tabik salero makan (titiak aia liua dek nyo) cubolah goreang baluik jo lado ijau, asam (limau)nyo awek-awek taraso, atau samba lado ijau disayiak asam sauleh, tabudua salemo deknyo, usah sampai dimasuakan kasamba lai, disayiak sajo baru lah titik aia liua deknyo.
    Makna nan takanduang dari sifat limau (balimau) di siko adolah: baa kito mamparsiapkan diri agar mangarajoan puaso manjadi salero nan manimbuakan kelezatan dan kenikmatan ibadah, sajuak, nyaman, taat dan taqarrub kapado Allah SWT. mailangan sifat patah salero, lalai, maleh, sangajo maindakan puaso, durako, ndak mansyukuri nikmat Allah SWT. Namun puaso itu taraso nikmat, bangkik salero/sumangaik, bak cando sifat limau sabagai bumbu penyadap makanan.
  2. Limau sabagai bahan alat kecantikan :
    Sajak saisuak limau dipakai dek urang tuo-tuo awak sebagai alat mamparacak diri, pambarasiah palunak rambuik.
    Dari sifat limau di ateh tadi adolah makna simbolis dari mamparancak dan mamparindah diri jo sifat-sifat nan tapuji, babudi haluih, lambuik, sopan, santun baakhlak (baparangai) mulia, pamurah, pamaaf, sabar, tawakkal, tarantang tali silaturrahmi anak jo urang tuonyo, mamak jo kamanakan, jo sagalo karik kirabaik, jiran jo tetangga, taruih bakampuang banagari.
  3. Limau sabagai ramuan Ubek:
    Urang-urang pandai kesehatan banyak manggunokan limau sabagai ramuan ubek nan dapek manyehatkan berbagai panyakik, bahkan bagi dukun bisa maubek yang katonyo panyakik nan barasa dari urang aluih, setan jo ibilih sarato jin. Nan paralu dek awak, apo hubuanganyo sifat-sifat limau kaubekko jo puaso nan ka kito karajoan.
    Hati manusia sangat murah diinggoki dek bamacam-macam panyakik. Mako konotasinyo adolah limau sabagai ramuan ubek bararti kito malimaui diri dari panyakik-panyakik ati yang kamudian baimplikasi ka kurenah, kalakuan parangai manusia itu sandiri. Panyakik-panyakik ati tu antaro lain:
    • Riya, suko mamanggak, sum’ah, mancari namo, maambiak muko, Ujub, manggadang, awak nan santiang, babana surang, tamak. sarakah, lobo, rakuih, kikia, bakia. Dalam sebuah hadist nabi Muhammad saw. mangatokan :Ado tigo macam nan marusak, yaitu : Menuruikan katamakan atau kakikiran, manuruikan hawa nafsu dan ujub atas usaha sandiri (Al-hadist, Riwayat Thabrani)
    • Takabua, angkuah, sombong, congkak, ongeh, manggadang, manapuak dado, gadang nak malendo, tinggi ndak maimpok, maraso super.
      Firman Allah dalam Al-Quran: Sasungguahnyo Allah tidak suko jo urang-urang nan sombong dan takabua (An-Nahl :23)
    • Hasad, su’u zan (buruak sangko) dangki, irihati, duto, kicuah, susah mancaliak urang sanang, sanang mancaliak urang susah, namimah, asuang pitanah, jungkek patiang, tipu tepok, umbuak umbi, silang kaneh, ulu anta.
      Hadis nabi Muhammad saw.:
      Hasad mamakan amal kabaikan sarupo api makan kayu baka (Al-Hadist Riwayat Ibnu Majjah)
    • 4). Hiqdu, dandam kasumat, upek caraco, maariak maantam tanah, mancari lantai tajungkek, mancari titian barakuak, mangguntiang dalam lipatan, manuhuak kawan sairiang, musang babulu ayam, mananti di nan tunggang.
  4. Limau sebagai alat Pambarasiah
    Kito manusia sangat murah bana diinggok sagalo nan kumuah, mulai dari hati nan co taruang bulek basala minyak tak masuak lado tak lalu, muncuang bahamo lidah bak jlatang, tingkah laku parangai bak kacang miang, tabiat, kakok tangan, langkah kaki, nan lah manjadi darah dagiang, ibarat kain kanai gatah atau bak basi nan lah bakarak, dek rinso tak tak talok kaporit ndak lalu, apolai sabun cap tombak, biaso di limau takikih sagalo nan kumuah, bahkan karek basa mangulipak.

Sanak saudaro ambo !
Marilah kito pahami istilah “Balimau” nan lah lamo pupuler ditangah-tangah masyarakat awak pado hakekatnyo adolah mansucikan dan mambarasiahkan diri lahir batin, Mancegah dan maubeki diri dari bamacam-macam panyakik ati, mampaaluih batin dan mamparancak/mamparindah diri jo akhlak mulia sarato marasokan kanikmatan ibadah puaso nan ka kito karajoan.

Firman Allah swt.: Sasungguahnyo baruntuanglah urang-urang nan mansucikan jiwanyo itu, dan sasungguahnyo marugilah urang-urang nan mangumuhi nyo. (Asy-Syamsi : 9 dan 10)
Sungguah sangat disayangkan maso kini, Jalan lah di asak urang lalu, cupak di papek urang panggaleh. Makna “balimau” itu lah banyak disalah artikan bahkan disalah gunokan, pai kian kamari, yang samo sakali ndak karik baiknyo jo puaso, indak ado disyariatkan dek agamo, bahkan indak jarang manodai nilai-nilai agamo itu sendiri.

Karano itu wahai Saudara-saudaraku …! antikan dan hindarilah parbuatan-parbuatan sarupo itu. kalau kito ingin kumbali kapado fithrah saumpamo bayi nan baru lahia, patuik jo pantas untuak manarimo ucapan “Minal “Aidin wal Fa’izin” (orang yang telah kembali kepada kesuciannnya dan orang yang memperoleh kemenangan) salasai malaksanakan ibadah puaso nantinyo. ***
Selamat menunaikan Ibadah Puasa
Mohon dimaafkan segala kesalahan dan kekhilafan kami sekeluarga

Bukittinggi, 26 Syakban 1432 H
Asnur Azhar Salim Tk. Nan Kayo

Tidak dipungkiri, memang balimau sekarang telah bergeser dari maksud tujuan semula. Banyak sekali diberitakan bahwa balimau menjadi ajang anak-anak muda untuk berpacaran… Haks!

Tidak mengherankan bila akhir-akhir ini para ulama di Sumatera Barat justru tidak mendukung kelestarian budaya balimau melainkan melarangnya. (thinking)

Post to Twitter Post to Plurk Post to Facebook Send Gmail

Related Posts

14 thoughts on “BALIMAU ….. !

  1. Beda tempat beda tradisi dan kegiatan ya pak, kalau di tempat saya cukup dengan mengadakan pengajian songsong ramadhan yang diikuti oleh seluruh warga kampung. Kalau soal nyadran, padusan dan sebagainya urusan pribadi masing2.

Leave a Reply

Your email address will not be published. Required fields are marked *